فلاڈیلفیا: امریکی ریاست پنسلوانیا کے شہر فلاڈیلفیا کے کمرشل علاقے میں ایک نجی ایمبولینس طیارہ گر کر تباہ ہو گیا، جس کے نتیجے میں 6 افراد کی ہلاکت کی اطلاع ہے۔ طیارہ شاپنگ مال کے قریب گرا، جس کے باعث متعدد گھروں اور گاڑیوں کو آگ لگ گئی اور دھماکوں کی آوازیں سنائی دیں۔
حادثے کے بعد کئی افراد زخمی بھی ہوئے ہیں، جنہیں فوری طور پر ہسپتال منتقل کیا گیا۔ امدادی ٹیمیں فوری طور پر موقع پر پہنچیں اور آگ بجھانے کی کوششیں شروع کر دیں۔ امریکی میڈیا کے مطابق طیارہ ایک مریض کو منتقل کر رہا تھا جب یہ حادثہ پیش آیا۔
