نواز شریف کی میڈیکل رپورٹ بنانے والا ڈاکٹر بھارتی ہے، شہباز گل کا دعویٰ 

پاکستان 
  نیوویب ڈیسک
نواز شریف کی میڈیکل رپورٹ بنانے والا ڈاکٹر بھارتی ہے، شہباز گل کا دعویٰ 
سورس: فوٹو: بشکریہ ٹوئٹر

اسلام آباد: وزیراعظم پاکستان عمران خان کے معاون خصوصی برائے سیاسی روابط شہباز گل نے دعویٰ کیا ہے کہ نوازشریف کی میڈیکل رپورٹ بنانے والے ڈاکٹر کا تعلق بھارت سے ہے جبکہ ان کے ماضی میں کچھ کارنامے اخبارات میں بھی شائع ہو چکے ہیں۔ 
تفصیلات کے مطابق شہباز گل نے سماجی رابطوں کی ویب سائٹ ٹوئٹر پر جاری بیان میں نواز شریف کی عدالت میں جمع کرائی گئی میڈیکل رپورٹ پر ردعمل دیتے ہوئے لکھا ’ ابھی پتہ چلا ہے کہ اب برطانیہ میں بھی دل کے سب ڈاکٹر فوت ہو چکے ہیں۔ اس لئے نواز شریف نے ایک پاکستانی نژاد امریکی ڈاکٹر کو لندن بلوایا۔ پھر اس کو معائنہ کروایا۔ پھر اس سے مرضی کا ایک خط لکھوایا۔ کیا آپ کو لگتا ہے آپ کی یہ مکاری عیاری اب اور چلے گی۔ یا بے ایمانی تیرا آسرا۔ جھوٹ پر جھوٹ۔‘ 

پاکستان سٹاک مارکیٹ میں اتار چڑھاؤ جاری

شہباز گل نے لکھا ’ ڈاکٹر صاحب اپنے خط میں چند اہم چیزیں لکھنا بھول گئے۔ انہیں لکھنا چاہئے تھا کہ مریض کے دل کو خوش رکھنے کیلئے ان کو فوراً وزیراعظم بنایا جائے۔ دو تہائی اکثریت دلوائی جائے۔ لندن میں 10 مہنگے اپارٹمنٹس لے کر دئیے جائیں۔ سیکیورٹی اداروں اور ججز کو برا بھلا کہنے کی اجازت دی جائے۔‘ 

پی سی بی چیمپئنز ٹرافی ٹورنامنٹ کے انعقاد کے لیے ہر لحاظ سے تیار ہے،محسن نقوی

ایک اور ٹویٹ میں ان کا کہنا تھا ’یہیں تک نہیں ڈاکٹر صاحب نے بلواسطہ یہ بھی کہنے کی کوشش کی ہے کہ نواز شریف صاحب کی شادی بھی کروائی جائے۔‘ 


شہباز گل نے پہلی ٹویٹ میں ڈاکٹر کو پاکستانی نژاد کہا تاہم بعد ازاں انہوں نے اپنی بات کی تصحیح کرتے ہوئے بتایا کہ ڈاکٹر بھارتی نژاد ہے۔ ان کا کہنا تھا ’کیا ہمیشہ کی طرح یہ رام کہانی بھی ہندوستان نے لکھوا کر دی ہے؟ یہ ڈاکٹر صاحب کا تعلق اصل میں ہندوستان سے ہے۔ اور ان کے کچھ کارنامے جو اخبار میں چھپ چکے وہ آپ کے سامنے رکھتے ہیں۔ پریانکا چوپڑا کے مطابق ان محترم کو بھی فلمیں بنانے کا شوق ہے۔‘ 

لاہور ہائیکورٹ : بانی پی ٹی آئی کے ویڈیو لنک پر پیشی کا نوٹیفکیشن کالعدم قرار


شہباز گل نے نواز شریف کی میڈیکل رپورٹ کا ایک حصہ شیئر کرتے ہوئے مزید لکھا ’اب تو نواز شریف کے ڈاکٹر کے مطابق ان کو وہ بیماریاں بھی ہو گئی ہیں جو صرف عورتوں کو ہوتی ہیں۔ لگتا ہے نواز شریف صاحب کوئی بڑا دھماکہ کرنے والے ہیں۔‘ 

پاکستان اور جنوبی افریقہ کے درمیان دوسرا ایک روزہ میچ آج کھیلا جائے گا

مصنف کے بارے میں