اسلام آباد:پاکستان کے مختلف شہروں بشمول کراچی، لاہور، اسلام آباد، راولپنڈی، کوئٹہ اور پشاور میں واٹس ایپ کی سروس متاثر ہو رہی ہے۔ صارفین کو ویڈیو میسجز اور وائس نوٹس ڈاؤن لوڈ کرنے میں مشکلات کا سامنا ہے۔
ذرائع کے مطابق، واٹس ایپ پر ڈاؤن لوڈنگ کی رفتار سست ہوگئی ہے، جس سے روزمرہ کے معاملات میں خلل پڑ رہا ہے۔
یاد رہے کہ ملک میں ایکس (سابقہ ٹوئٹر) سروس پہلے ہی بند ہے، اور اس صورتحال میں وزیر مملکت برائے آئی ٹی نے اپنے ایک بیان میں کہا تھا کہ پاکستان میں موبائل ڈیٹا کی سروس درست طریقے سے چل رہی ہے۔
