کراچی : پاکستانی اداکارہ منال خان نے حالیہ دنوں میں شوبز میں اپنی واپسی کا عندیہ دیا ہے۔ اداکارہ زارا نور عباس کے پروگرام میں شریک ہوتے ہوئے منال خان نے بیٹے کی پیدائش سے لے کر شوبز میں واپسی تک کے حوالے سے کھل کر بات کی۔
پروگرام کے دوران شوبز میں واپسی کے بارے میں گفتگو کرتے ہوئے منال خان نے کہا کہ وہ خود سے یہ سوال کرتی ہیں کہ کیا وہ ٹی وی پر واپس آئیں گی؟ اور ہمیشہ خود کو "ہاں" کہتی ہیں کیونکہ وہ واقعی اپنی واپسی کو حقیقت میں بدلنا چاہتی ہیں، ورنہ وہ واپس نہیں آ سکیں گی۔
منال خان نے مزید کہا کہ انہیں اداکاری کی کمی محسوس ہوتی ہے اور وہ ضرور واپسی کریں گی، تاہم فی الحال ان کا بیٹا محمد حسن اکرام ان کی سب سے بڑی ترجیح ہے اور اس وقت انہیں اس کی زیادہ ضرورت ہے۔
واضح رہے کہ منال خان نے 10 ستمبر 2021 کو ساتھی اداکار احسن محسن اکرام سے شادی کی تھی اور گزشتہ سال نومبر میں ان کے ہاں بیٹے کی پیدائش ہوئی تھی۔ شادی کے بعد سے وہ شوبز کی دنیا سے دور رہی ہیں۔