پتوکی: قومی کرکٹ ٹیم کے آل راؤنڈر فہیم اشرف کے ہاں جڑواں بیٹوں کی پیدائش ہوئی ہے بچوں کی ولادت لاہور کے نجی اسپتال میں ہوئی ہے،
تفصیلات کے مطابق، فہیم اشرف کے والد نے اپنے گھر میں پوتوں کی آمد کی تصدیق کرتے ہوئے ان کے پرستاروں کو خوشخبری سنائی۔ ان کا کہنا تھا کہ فہیم اشرف کے گھر جڑواں بیٹے پیدا ہوئے ہیں اور دونوں بچے اور ماں صحت مند ہیں۔فہیم اشرف کے والد نے پوتوں کی پیدائش پر خوشی کا اظہار کیا۔
یاد رہے کہ فہیم اشرف گزشتہ برس 25 نومبر کو شادی کے بندھن میں بندھے تھے۔