اسلام آباد : پاکستانی برآمدات ایک ماہ کی تاریخ میں بلند ترین سطح پر پہنچ گئی ہیں ۔ وزیراعظم کے مشیر برائے تجارت نے عوام کو خوشخبر ی سناتے ہوئے کہا ہے کہ رواں مالی سال کے پہلے پانچ ماہ میں برآمدات میں 27 فی صد اضافہ ہوا ۔
تفصیلات کے مطابق وزیراعظم کے مشیر برائے تجارت عبدالرزاق کا کہنا ہےکہ پاکستانی برآمدات ایک ماہ کی تاریخی بلند ترین سطح پرپہنچ گئی ہیں۔اپنے ٹویٹ پیغام میں عبدالرزاق داؤد نے کہا کہ نومبرمیں پاکستانی برآمدات میں 33 فیصد اضافہ ہوا ہے جو 2.903 ارب ڈالر رہیں جب کہ گزشتہ سال نومبرمیں 2.174 ارب ڈالر تھیں۔
We are glad to inform that 🇵🇰 Pakistan’s exports during Nov 2021 increased by 🔼 33% to a historic monthly high of USD 2.903 billion as compared to USD 2.174 billion during the corresponding period last year. Our target for the month was USD 2.6 billion.
— Abdul Razak Dawood (@razak_dawood) December 1, 2021
مشیر تجارت کامزید کہنا تھا کہ نومبرمیں حکومت کا پاکستانی برآمدات کا ہدف 2.6 ارب ڈالرتھا اور رواں مالی سال کے پہلے 5 ماہ میں برآمدات میں27 فیصد کا اضافہ ہوا ہے جب کہ پانچ ماہ میں 12.365 ارب ڈالرکی برآمدات رہیں۔
عبدالرزاق داؤد کے مطابق رواں مالی سال کے 5 ماہ میں حکومت کا برآمدات کا ہدف12.2 ارب ڈالرتھا جب کہ گزشتہ مالی سال اسی عرصے میں 9.747 ارب ڈالرکی برآمدات تھیں ۔
