لاہور:وزیر اطلاعات پنجاب عظمیٰ بخاری نے کہا ہے کہ ستھرا پنجاب پروگرام ماحول کو آلودگی سے پاک رکھنے میں اہم کردار ادا کر رہا ہے۔ شیخوپورہ کے دورے کے دوران انہوں نے صفائی کے انتظامات کا جائزہ لیا اور کہا کہ اس عید پر شہر میں اتنی صفائی دیکھی ہے جو پہلے کبھی نہیں ہوئی۔
عظمیٰ بخاری نے شیخوپورہ کی انتظامیہ کی تعریف کرتے ہوئے کہا کہ وہ عید کے روز بھی شہریوں کو صاف ستھرا ماحول فراہم کرنے میں مصروف ہیں۔ وزیر اطلاعات نے ستھرا پنجاب پروگرام کی کامیابی پر وزیر بلدیات اور ان کی ٹیم کو مبارکباد دی۔